Вучиќ: Изборите ќе ги распишам на 4 март, кога ќе се вратам од САД

Српскиот претседател Александар Вучиќ изјави дека ќе ги распише парламентарни избори во среда, на 4 март, истиот ден кога ќе се врати од официјалната посета на САД, јави дописникот на МИА од Белград.

Говорејќи за Радио Телевизија на Србија (РТС), Вучиќ изјави денеска дека на претстојните состаноци во Вашингтон ќе се обиде да добие меѓународна поддршка, на кои теми ќе бидат ставот на Србија кон Косово, Република Српска (РС) и Српската православна црква (СПЦ).

-Американците секогаш се против СПЦ. Европејците ќе се прават дека се невешти и ќе побараат што е можно помалку приказни за српскиот народ и етничката припадност…Ние не бараме некоја голема Србија. Она што го бараме е Србите да ги имаат сите права кои се загарантирани за другите нации (во земји каде се малцинство), како што на пример имаат Албанците во Северна Македонија, кажа Вучиќ.

Тој оцени дека очекува од претставниците на меѓународната заедница да ја слушне оценката дека за сегашната криза во БиХ е одговорен членот на српското претседателство Милорад Додик.

-Од мене ќе чујат дека РС е уставна категорија, изјави Вучиќ, додавајќи дека ќе го постави прашањето за тоа „ што Србија има направено за да биде цел на нападите“.

Говорејќи за можната мигрантската криза доколку Турција ги отвори границите за два милиони бегалци, Вучиќ кажа дека низ Србија досега поминале 900.000 мигранти.

-Србија има капацитет да згрижи 10.000 мигранти без да го почувствува тоа, кажа Вучиќ, додавајќи дека Србија ќе покаже хуманост и дека нема да биде „паркинг“ за мигрантите кои Европа не сака да ги прими и дека ќе „се бори за српските национални интереси “.

Според него, Србија е подготвена за епидемијата на коронавирус „колку што може да се подготви„ и е повеќе загрижен за економското влијание што може да го има епидемијата на светските берзи.