Втора дезинсекција на територија на Штип

Општина Штип утре ќе ја реализира втората дезинсекција. Портпаролот на Општината Драган Ристов на денешната прес-конференција информираше дека  Општината,  преку овластена фирма, на територијата на општината Штип ќе спроведе тереистичка дезинсекција со цел уништување на комарците. Запрашувањето ќе се врши во периодот од 00 до 06 часот наутро, со апаратура за УЛВ ладно запрашување.

- Со дезинсекцијата ќе бидат опфатени зелените површини во општина Штип, подрачјата по течението на реките Брегалница и Отиња, застојни води и подрачја околу каналниот систем на територијата на општината, урбаните населби и локалитети, вели Ристов.

Во случај на неповолни временски услови (ветер, дожд) дезинсекцијата се одложува за следниот поволен ден. 

Пчеларите навремено треба да ги преземат потребните мерки за заштита на пчелите.