Втор ден од Глобалниот самит на жени лидери 2017
Економијата, бизнисот и претприемништвото се фокусот на вториот ден од Глобалниот самит на жени лидери 2017 што се одржува во Скопје.
Како панелист најавено е обраќање на министерката за информатичко општество и администрација Марта Арсовска Томовска.
Ќе биде промовирана и Глобалната платформа на жени лидери од јавниот и приватниот сектор во која првпат се вклучуваат и жени лидери од Македонија, во насока на размена на искуства, креирање јавни политики и хармонизација со глобалните трендови. Во фокус на панел сесиите ќе биде бизнисот, претприемништвото и младите дами лидери, а меѓу панелистите ќе бидат жени претседателки на бизнис здруженија и асоцијации, министри, директори на институции од повеќе земји.
Целта на Самитот е остварување меѓународен дијалог кој води кон унапредување на женското лидерство, детектирање на предизвиците со кои се соочуваат жените на раководните функции на патот кон успехот, креирање стратегиски политики за развој, како и механизми кои позитивно ќе влијаат на економијата.
На Глобалниот самит на жени лидери во Скопје учествуваат над 300 жени од пет континенти и околу 40 панелисти кои ќе ги споделат своите искуства како да се биде жена лидер.
Форумот го организираат Сојузот на стопански комори во соработка со Здружението на бизнис жени.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација