Врз жена паднал тросед од покривот: Излегов на пауза за ручек и останав инвалид, нејзината порака е лекција за сите

Едита Буткевичијут (30) која живее и работи во шкотски Абердин, скршен и е ’рбетот на три места, бутната коска и скочниот зглоб, смачкана и е клучната коска и ошетен црниот дроб откако врз неа на улица паднал кауч.

Едита, родум од Литванија, во болница е од 7. декември и вели дека дури по 8 недели ќе биде пуштена дома, а за целосно опоравување ќе и треба година дена.

 

Хирурзите и го фиксираа ’рбетот и нозете со помош на метални плочки и штрафови во текот на неколку итни операции, борејќи се да и го спасат живот.

„Целата сум искршена. Не можам ниту момчето да го прегрнам. Ми рекоа дека ќе можам повторно да одам, но факт е дека животот ми е уништен поради глупости. Ќе бидам инвалид“, вели таа и додава дека момчето Даниел Фереира веројатно ќе мора да се грижи за неа.

Едита зборувала по телефон со Даниел на паузата за ручек кога кауч врз неа паднал од покривот, при исфрлање од стан во поткровјето. Младата жена 40 минути лежела згмечена под троседот, пред случаен минувач конечно да ги случне нејзините лелеци. Нејзиното момче е Португалец кој од несреќата не се одвојува од неа. Менаџерката на салонот во која Едита работи педикир, изјави дека таа е силна личност.

„Таа е психички силна и веќе успеала да ги направи првите чекори по несреќата“, рече таа.

Мажи на возраст од 31 и 26 години се обвинети за инцидентот.

„Имавме толку многу планови и се радувавме на годишниот одмор, а сега се прашуваме како ќе ги платиме сметките“, вели Едита која на почетокот мислела дека ќе остане парализирана.

Едита не се предава.

„Знам дека повторно ќе одам. Среќна сум што сум жива, знам дека ќе биде тешко, но многу сум позитивна, ќе дадам се од себе“, рече таа.