Македонија
18. September 2020 - 10:25

Врховниот суд ги одби жалбите на осудените за Тенк

Преку писмено соопштение Врховниот суд информира дека се одбиени жалбите поднесени од страна на осудените во предметот Тенк, Никола Груевски, Гордана Јанкуловска и Ѓоко Поповски и ја потврди правосилната пресуда за предметот донесена од страна на Апелацискиот суд.

Второстепениот суд претходно ја потврди 2 годишната затворска казна за екс премиерот Никола Груевски за набавка на луксузниот мерцедес, додека на поранешната министерка за внатрешни работи Гордана Јанкуловска казната и беше намалена од 6 на 4 години затвор. Апелација му ја намали затворската казна и на поранешниот помошник министер во МВР Ѓоко Поповски од 6 ипол на 4 години.

 

Деспина Тодоровска