Времето денес ќе биде сончево со мала до умерена облачност

Времето  во Македонија ќе биде сончево со мала до умерена облачност. Попладне ќе биде променливо и нестабилно, на повеќе места со пороен дожд, грмежи и засилен ветер, а локално процесите ќе бидат и поинтензивни. Температурата ќе се движи од 19 до 31 степени.

Во Скопје претпладне сончево, а попладне променливо и нестабилно со пороен дожд, грмежи и засилен ветер. Температурата ќе достигне до 29 степени. УВ-индексот ќе биде 8.

Во наредните денови во попладневните часови  ќе има  нестабилност со пороен дожд, грмежи и засилен ветер, особено утре и во понеделник кога се очекува на повеќе места процесите да бидат поинтензивни. Во останатите денови од работната седмица  нестабилноста ќе биде локална и со послаб интензитет.