Македонија
5. November 2021 - 15:39

Врачено Уверението за градоначалник на Град Скопје на Данела Арсовска

 Изборната комисија на Град Скопје денеска го врачи Уверението за избор на градоначалник на Град Скопје на Данела Арсовска.

Со ова Град Скопје доби жена градоначалник за првпат од независноста на државата.

Во понеделник, 8 ноември, Арсовска официјално ќе го преземе градоначалничкиот мандат, кога на свечен чин ќе биде извршено примопредавањето.

Во првиот круг од локалните избори, Арсовска беше во водство од 7.915 гласови, а во вториот круг имаше предност од 28.130 гласа пред својот противкандидат.