Вработена во градинка во Кочани и негувателка во Куманово заразени со Ковид-19!

Ковид-19 се шири низ градинките. Нови случаи на заразени се регистрирани во градинка во Кочани каде корона вирусот е потврден кај психолог во детската установа. Корона е потврдена и кај негувателка во кумановска градинка. Информациите за новите случаи ги потврдија од Министерството за труд и социјална политика од каде велат дека и во двете устнаови постапиле согласно насоките од Центрите за јавно здравје и во изолација се контактите со позитивните случаи. 

Изминатите 10 дена откако градинките почнаа со работа, Ковид-19 беше потврден кај вработени во градинки во Битола, Скопје и Свети Николе, а заразата беше дијагностицирана и кај дечиња кои ги посетуваат детските установи. Три случаи беа потврдени во струмичка градинка каде децата се заразиле меѓу себе. Едно дете со позитивен тест на корона има и во скопска градинка во групата јасли.

Сања Димитровска