Вработен во расадник во Тетовско со камен си го убил газдата
Вработен во расадник во Тетовско си го убил газдата со камен во глава по вербална и физичка пресметка, соопшти Основното јавно обвинителство.
Надлежен јавен обвинител во моментов врши увид на местото каде е убиен 60 годишниот жител на тетовското село Јанчиште.
Како што соопшти ОЈО, денеска во 13:30, 45-годишен жител на тетовското село Јанчиште, го лишил од живот неговиот работодавец, 60-годишен државјанин на Кралството Холандија.
-Настанот се случил во расадник во селото Прељубиште, сопственост на сега починатиот. Осомничениот вработен во расадникот најпрвин започнал вербална расправија, а потоа и физичка пресметка со работодавачот. Притоа тој му задал удар со камен во главата и му нанел смртоносни повреди, се наведува во соопштението на ОЈО.
Јавниот обвинител издал наредби за обезбедување на траги и нивно натамошно вештачење и наредба за обдукција на починатото лице, а одземени се и видео записи од мобилен телефон на очевидец на настанот. Осомничениот е лишен од слобода, а истрагата во обвинителството продолжува до целосно расчистување на случајот.
Ново на Сител
-
Змија на тераса во Карпош | ФОТО
-
Честитка од министерот за јавна администрација по повод Меѓународниот ден на трудот
-
Денот на трудот во Грција ќе се одбележи со традиционални протести
-
ВМРО - ДПМНЕ со првомајска честитка: Работниците се темелот за иднината на Македонија
-
Приведени возачи во Куманово и Кумановско под дејство на алкохол
-
Американскиот Сенат одби да ги поништи царините на Трамп
-
Камала Харис ги повикува Американците да му се спротивстават на Трамп
-
Ѓорческа против Тихонова во 2. коло на ИТФ турнир во Грузија