Вознемирен маж го чекал Филипче пред министерство, интервенирала и полицијата

Полицијата интервенирала утрово пред зградата на Министерството за здравство, откако од Одделот за обезбедување било пријавено дека машко лице седи на скалите.

Од Секторот за внатрешни работи за „Република“ потрврдуваат дека утрово околу 07.15 била испратена служба од страна на полициската станица Центар.

Констатирано е дека се работи за лицето А. А. (33), кое кај себе немало оружје. Лицето се состанало со Министерот за здравство пред влезот на министерството, разговарале и потоа си заминало, информираат од СВР Скопје за „Република“.