Возеле без возачки дозволи и предизвикале сообраќајки во Тетовско
Две момчиња на возраст 16 и 17 години завршиле во болница во Тетово, откако со автомобил „Фолксваген Голф“ ноќеска удреле во ѕид од куќа во тетовско Теарце.
Како што соопшти СВР Тетово, возилото со тетовски регистарски таблици, што го управувал 16-годишник кој немал положено за возачка дозвола, излетало од коловоз и удрило во ѕид од куќа.
Двајца сопатници од „Голфот“ со друго возило биле пренесени во тетовската клиничка болница за укажување на помош. Извршен е увид, информира СВР Тетово.
Тетовската полиција бележи и случај на 27-годишник кој без возачка дозвола управувал возило „Бе-Ем-Ве“ и удрил и повредил велосипедист на улица „Благоја Тоска“ во Тетово синоќа околу 19 часот и 20 минути.
СВР Тетово информира дека 27-годишниот А.И. од тетовско Селце, удрил во 70-годишниот тетовец Н.Е., по што го напуштил местото на настанот, но потоа самиот се пријавил во тетовската Полициска станица за безбедност на патниот сообраќај.
Велосипедистот Н.Е. поради здобиените повреди е задржан на болничко лекување во тетовската клиничка болница.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април