Возач од Швајцарија приведен во Тетово, возел скоро двојно побрзо од дозволеното

Полициски службеници од Полициска станица за безбедност на патниот сообраќај Тетово, вчера во 11.35 часот, го лишиле од слобода А.Љ.(37) од Швајцарија, поради сериозно пречекорување на дозволената брзина.

Како што соопшти денеска МВР, при сообраќајна и контрола со радар, било констатирано дека тој управувал возило „мерцедес“ со швајцарски национални ознаки со брзина од 155 километри на час на место каде што максимално дозволената брзина е ограничена со знак од 80 километри на час надвор од населено место.

Возачот бил веднаш приведен и задржан во полициска станица. По целосно документирање на случајот, против него ќе биде поднесена пријава по член 297-а од Кривичниот законик – „безобѕирно управување со моторно возило“.