Возач на автобус доби затворска казна за сообраќајка на автопатот Велес-Скопје
Затворска казна од три години денеска доби 50-годишниот возач на автобусот „Бус травел – Скопје“, Ацо Николовски, кој на 20 август 2017 година направи сообраќајка во близина на месноста „Пуста Кула“ на автопатот Велес-Скопје.
Во сообраќајната несреќа, од здобиените повреди починале двајца патници,13 биле тешко повредени, а 12 со телесни повреди.
Како што информираат од Основниот суд Велес, Николовски денеска во судница, каде присуствувале дел од повредените патниците во автобусот, им се извинил на патниците за стореното, и го признал делото за кое се товарел „тешки дела против безбедноста на луѓето и имотот во сообраќајот“.
Според Обвинителството, сообраќајната несреќа на автобусот се случила бидејќи возачот на автобусот не ја држел страната и правецот на движење, не се движел по средината на коловозната лента на која се наоѓал, туку преминал на левата коловозна лента, излегол од коловозот, удрил во металната заштитна ограда и на левата бочна страна се превртел со автобусот полн со патници при што дошло до несреќата.
Популарно од Македонија
Ново на Сител
-
Полска ја обвини Украина за „шовинизам“ поради најавениот меморијал на хероите во Киев
-
Мисајловски: Со развој на воена индустрија, дел од парите што ги одвојуваме за одбрана би можеле да останат во македонски компании
-
Ставен под контрола пожарот на Жеден
-
Трамп: Иран доживува целосен колапс
-
Вчера констатирани 140 прекршоци, осум кривични пријави за возачи на велосипеди, мопеди и мотоцикли
-
Во одредени делови од земјата појава на град, пороен дожд, засилен ветер и грмежи
-
Ангелов: Мирисот на чад во Скопје доаѓа од пожарот на планината Жеден
-
Клековски: Досега потврдени вкупно 44 случаи на западнонилска треска, отпуштени од Клиниката 21 пациент
