Воз удри во двајца мигранти во североисточна Грција

Грчките власти соопштија дека две лица, за кои се верува дека се мигранти кои илегално ја преминале границата со Турција, загинале откако во нив удрил патнички воз во североисточна Грција.

Локалната полиција денеска соопшти дека инцидентот се случил синоќа во пограничниот регион Еврос, со воз што патувал меѓу градовите Александрополис и Дикаја. Загинатите, чија националност не е соопштена, оделе по шините, а машиновозачот не ги видел и удрил во нив.

Мигрантите кои преминуваат во Грција долж копнената граница често ги користат железничките пруги како патоказ за да стигнат до некое населено место или град.