Вонредна временска прогноза за скопскиот регион
Во планинските региони на северозапад и на исток, попладневно има развој на конвективна облачност, а поизразен северен ветер има во Овчеполието и во Штипско, соопштуваат од УХМР.
За подоцнежните часови најавуваат дека од север ќе почне да дува засилен северен ветер и облачноста ќе се зголемува. Ќе биде нестабилно со локален пороен дожд и грмежи, особено на северот и на истокот. Нестабилно ќе биде и во делови од скопската котлина.
Во вечерните часови некаде процесите ќе бидат поизразени, локално и во форма на невреме. Засилен ветер, грмежи и повремен дожд ќе има и во текот на ноќта.
Утре ќе биде променливо облачно, ветровито и доста свежо со локален дожд претпладне. Ќе дува засилен северен ветер, кој вдолж Повардарието и во источните делови повремено ќе достигнува брзина и над 90 километри на час. Дневните температури ќе бидат значително пониски во однос на денешниот ден.
За време на викендот времето ќе биде стабилно, но во сабота се уште со повремено засилен северен ветер. Стабилно ќе биде и од понеделник, а дневната температура ќе продолжи постепено да расте.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица