Вонредна прогноза на УХМР

МАКСИМАЛНИ ТЕМПЕРАТУРИ: 39 Скопје-Петровец, Тетово, 38 Скопје-З.Рид, 37 Штип, Виница, 36 Битола, Прилеп, Д. Капија, Гевгелија, 35 Тополчани, Кр. Паланка, 34 Ѓуриште, Охрид, Струмица, Пожаране, 33 Претор, 31 Берово, 30 Маврово.

ВРЕМЕТО ДЕНЕС:  Сончево и многу топло, во североисточните делови со мала до умерена локална облачност. Во поголем дел од земјава дуваше умерен, а во источните делови повремено засилен ветер од јужен и југоисточен правец (во Штип со брзина од 55 км/час). Во западните делови ветерот беше слаб до умерен од југозападен правец.

ВРЕМЕТО ДО КРАЈОТ НА ДЕНОТ: Сончево и многу топло со мала до умерена локална облачност, долж Повардарието и во источните делови со умерен, повремено засилен ветер од јужен и југоисточен правец. Во текот на ноќта во западните и северните делови ќе има зголемување на облачноста.

ВРЕМЕТО УТРЕ: Сончево со умерена облачност, повремено облачноста ќе се зголемува и ќе има локална појава на дожд и грмежи. Ќе дува умерен до засилен југозападен ветер. Т-мин. од 15 до 22, а т-макс. од 30 до 37 степени.

СКОПЈЕ : Сончево со умерена облачност, повремено облачноста ќе се зголемува и ќе има појава на краткотраен дожд и грмежи. Ќе дува умерен до засилен југозападен ветер. Т-мин. 21, а т-макс. до 34 степени.

ВРЕМЕТО ВО НАРЕДНИТЕ ДЕНОВИ: И во среда ќе има повремено зголемување на облачноста и појава на локален дожд со грмежи. Во четврток врнежи ќе има на повеќе места, а локално ќе бидат пообилни и проследени со ретки грмежи. Дневната температура позначителен пад ќе има во четврток, кога ќе биде и најсвежо, со дневна температура од 23 до 29 степени. Од петок времето ќе се стабилизира, а дневната температура ќе биде во постепен пораст.