Водата за пиење во Виниче исправна

Патот кон локалниот водовод во село Виниче е саниран, водата е хлорирана и исправна за пиење, беше информиран премиерот Емил Димитриев при денешната посета на ова населено место кое беше зафатено со поплавите.

Граѓаните на Виниче изразија задоволство од брзината со која им беше саниран и оштетениот пат и побараа екипи на терен да излезат и да направат проценка како да се санира местото на кое водотеците направија канали кои во иднина ќе спречат да се случат слични поплави.