Македонија
3. September 2019 - 14:49

Водата во Охридското езеро потопла од септемврискиот просек

Водата во Охридското езеро е потопла од просекот на септември. Денешните хидролошки мерења направени во 13:30 часот покажуваат дека температурата на водата во Охридското Езеро е 24,5 степени за разлика од септемврискиот просек кој изнесува 20,9 степени.

Кај Преспанското Езеро, температурата на водата денеска изнесува 25 степени, а кај Дојранското Езеро 27,8 степени.

Што се однесува до водостојот на реките, нема некои поголеми промени во однос на вчерашниот ден. Кај поголем број на реки, намалено е нивото во однос на септемврискиот просек. Повисоко е нивото само на Вардар кај Демир Капија, Брегалница и Црна Река кај Новаци.