Во земјотресот во Индонезија загинаа 102 лица

Билансот на загинатите во силниот земјотресот во индонезиската провинција Ацех достига 102 лица, а судбината на едно лице и натаму е во незивесност, изјави претставник на локалната Агенција за управување со кризи. 

Меѓу загинатите има и мали деца. Во земјотресот се ранети 700 лица, од кои 136 се во решка состојба. 

Спасувачките екипи се уште трагаат под урнатините со цел да пронајдат преживеани лица. 

Во земјотресот со интензитет од 6,5 степени според Рихтеровата скала беа уништени домови, продавници и џамии во дистриктот Пиди Џаја, при што целосно се разурнати стотици структури.