Во Владата во живо се следеше потпишувањето на Пристапниот протокол во НАТО
Во Владата на Република Македонија во живо се следеше потпишувањето на Протоколот за пристапување на Македонија во НАТО. Присутни се заменик-министерот за надворешни работи Андреј Жерновски и шефот на НАТО Канцеларијата за врски во Скопје, Зоран Јанковиќ.
Протоколот за пристапување на Македонија во НАТО се потпишува во Брисел, а на чинот присуствуваа генералниот секретар на НАТО Јенс Столтенберг и македонскиот министер за надворешни работи Никола Димитров.
Со потпишувањето на Протоколот, Македонија станува дел од сите работни тела и органи на Алијансата, со право да учествува во дискусиите, но без право на глас. Таквиот статус ќе трае додека не се заврши процесот на ратификација на протоколот во парламентите на сите 29 земји-членки на НАТО.
Прва Грција ќе треба да го ратификува Протоколот што е согласно Договорот од Преспа. Процесот на ратификација во парламентите на сите земји-членки на НАТО вообичаено трае околу една година, по што НАТО ќе треба да упати покана до земјата кандидат да нејзино приклучување кон Алијансата.
Во оптимални околности, се очекува Македонија да стане полноправна членка на НАТО во првиот квартал на 2020 година.
Ново на Сител
-
Тема на денот со Васко Наумовски, поранешен вицепремиер за европски прашања
-
Има ли начин да се подобрат односите Скопје-Софија?
-
Коридорот 8 од железничката пруга продолжува со градба, брзата пруга за Солун е приоритет
-
Ќе има ли реално поевтинување на основните производи со ограничените маржи?
-
Стружани бараат затворање на казината
-
ВМРО-ДПМНЕ: Николовски трошел во ресторани а земјоделците чекале субвенции
-
Системот „Безбеден град“ се проширува, казни на домашна адреса засега ќе нема
-
Спелеолошки истражувања во изворите во Црна Река