Во Владата прес-конференција на министерот за здравство и Интерната комисија за кардиолошки и кардиохируршки интервенции

Во Владата денеска е закажана прес-конференција на која ќе се обратат министерот за здравство Азир Алиу и членовите на Интерната комисија за кардиолошки и кардиохируршки интервенции. 

Комисијата беше формирана откако кардиохирурхот Сашко Кадев во интервју за Канал 77 рече дека во некои приватни болници се вршат непотребни интервенции со цел профит, вклучувајќи и непотребни стентирања и операции. 

На 4 ноември министерот за здравство информираше дека од пристигнатите околу 25 претставки, останати за разгледување се уште седум. 

- Уште седум наоди треба да се анализираат. Знаете дека тие процеси бараат време. Прво, тие експерти се и така во мал број за нашата земја. Освен оваа работа тие дневно имаат активности во амбуланта и операционите сали, затоа оваа динамика на работа не зависи од нас како Министерство, туку зависи од целиот експертски тим кои не се малку на број и се оптоварени со нивните секојдневни обврски со давање здравствени услуги на граѓаните, изјави Алиу на 4 ноември. 

МИА