Во Вевчани започна Вевчанско лето

Синоќа во Вевчани со маестралната изведба на Монодрамата ,,Кармен” на Биљана Драгичевиќ Пројкоска во режија на Дејан Пројковски започна манифестацијата Вевчанско лето под покровителство на Општина Вевчани, а во организација на здружението Вевчани турист инфо.

Манифестацијата ја отвори градоначалникот на Вевчани Спасе Кочовски кој истакна: - Во овие специфични моменти на живеење многу е важно да поддржиме проекти кој се интерес на општото добро на луѓето, проекти кој ќе им понудат културно издигнување, уживање, релаксација, едукација.

Токму тоа е Вевчанското лето наменето за Вевчанци, за туристите кои доаѓаат во нашата општина и за сите љубители на убавото. Манифестацијата трае до 31.Август, а на програмата се застапени содржини за сите возрасти и вкусови: концерти на сериозна музика, ликовни изложби, детски театарски претстави, музички содржини, спортски настани, научни летни школи и др.