Во велешката касарна заклетва на 31. генерација војници
Во кругот на касарната „Алексо Демниевски-Бауман“ во Велес денеска младите војници од 31. генерација на доброволно служење во АРМ ја даде свечената заклетва.
На 56-те војници од генерацијата февруари 2017 меѓу кои и шест девојки, заклетвата им ја честита командантот на Командата за обука и доктрини, полковник Љубенчо Петровски.
Тој информира дека во наредните три месеци со основната воена обука ќе ги запознаат врвни старешини на АРМ од Центарот за индивидуална обука (ЦИО) кој работи во рамки на Командата за обука и доктрини. Воедно ги потсети дека ако успешно ја завршат обуката, може да се пријават на еден од конкурсите за професионални војници на АРМ.
Од името на Генералштабот на АРМ војниците ги поздрави генерал-мајорот Мухамед Рацај кој потенцира дека е посебна чест и гордост да се биде војник на АРМ.
- Со овој чин се обврзавте дека ќе ја браните нашата татковина, а некои од вас потоа може и да останат во редовите на АРМ како професионални војници кои се столбот на АРМ, потенцира Рацај.
Од името на Министерството за одбрана, присутните ги поздрави и на младите војници им ја честита заклетвата државниот секретар Елизабета Чуповска Ристова.
Популарно од Македонија
Ново на Сител
-
Лазаров: Воопшто нема да го потцениме Бриксен, одиме на победа и на реваншот
-
Кривична пријава за злоупотреба на службена положба за стружанец вработен во Управата за имотно правни работи
-
Косово: Специјалното обвинителство обвини две лица за шпионажа во корист на српска БИА
-
Туск: Капитулација под принуда на Украина би значела капитулација на целиот Запад
-
Шолц: Украина не е виновна за руската агресија
-
Таравари: Нема лекарски пропуст за смртта на близначињата во Прилепската болница
-
Минималната синдикална кошница за февруари 63 773 денари, зголемена за 521 денар во однос на јануари
-
Нови 2.726 случаи на заболени од грип изминатата недела, намалување за 5,3 проценти во однос на претходната недела
