Во Велес зголемен бројот на деца со овчи сипаници
Според податоците на ЈЗУ Центар за јавно здравје-Велес, во текот на октомври и ноември, зголемен е бројот на мали деца заболени од овчи сипаници или варичела.
Според информацијата од епидемиологот Билјана Трајкова од оваа јавна здраствена установа, во Велес во октомври биле регистрирани 114 заболени, а од почетокот на ноември до денеска се регистрирани 85 заболени главно мали деца на возраст до шест години.
- Тоа се деца кои болеста не ја прележале во изминатите две години, а поголем дел од нив одат во градинка, бидејќи болеста е заразна и лесно се пренесува. Нема места за паника бидејќи болеста се лекува со соодветен третман главно во домашни услови, истакна Трајкова.
Таа потсети дека подобро е болеста да се прележи во раните детски години, бидејќи во пубертотот е опасна посебно кај машките деца и може да остави последици.
Посочи дека оваа заразна болест која е предизвикана од зостер вирусот спаѓа во групата на херпес вирусите.
- Болеста се карактеризира со осип на кожата и чешање, зголемена температура, општа слабост, губење на апетитот, повраќање и умор. Црвениот осип по целото тело треба да се мачка исклучиво со течен пудер од аптека, додаде Трајкова.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа