Во Велес втора улична анкета за управување со отпад

Во Велес денеска ќе биде спроведена втора улична анкета за искажување ставови во однос на управувањето со отпад.

Анкетата ќе се одржи на платото пред театарот „Јордан Хаџи Константинов – Џинот. Таа е дел од проектот „Подготовка на потребни документи за воспоставување интегриран и финансиски самоодржлив систем за управување со отпад во Пелагониски, Југозападен, Вардарски и Скопски регион“.

Целта е да се воочи зголемената свест на граѓаните во однос на управувањето со отпадот и нивната информираност во врска со активностите на проектот.  Првата улична анкета се одржа во ноември минатата година.

Преку Проектот треба да се воспостави интегриран и финансиски самоодржлив систем за управување со отпад во Пелагонискиот, Југозападниот, Вардарскиот и Скопскиот регион и да се подобри животниот стандард на приближно 1.200.000 жители кои моментно годишно произведуваат 330.000 тони отпад.

Во проектот се вклучени 43 општини од четирите региони.