Во украинската армија служат околу 40.000 жени
Околу 40.000 жени во моментов служат во украинските вооружени сили, во време кога Украина се обидува да ги одврати континуираните руски напади, јави ДПА, цитирајќи висок воен претставник.
Украина има 8.000 жени-офицери, а над 5.000 жени се на линијата на фронтот, изјави вчера генерал-полковник Серхиј Наев од Врховната команда на вооружените сили за украинската телевизија. На располагање им се сите позиции и функции, така што во редовите на вооружените сили има жени снајперисти и командири на транспортни, артилериски единици и единици кои користат беспилотни летала.
Украинскиот претседател Володимир Зеленски пред извесно време изјави дека 22 отсто од војниците во украинските вооружени сили се жени.
На почетокот на руската инвазија во февруари, украинската армија броеше околу 200.000 луѓе, потсетува ДПА.
Ново на Сител
-
Загина тракторист во сообраќајка во село Баница
-
Во Општина Велес годинава инспекторите за храна не поднеле ниту една прекршочна или кривична пријава против операторите со храна
-
Кривична за 78-годишник за мачење животни
-
Почина затвореник од Идризово
-
Поскапува дизелот, цената на бензините останува иста
-
„Визер“: Укинати летови од Скопје кон Келн, Стокхолм и Копенхаген
-
Пукање во Чаир, оштетени возила и куќa
-
Македонското фудбалско дерби Пелистер - Вардар прв пат под рефлектори во Битола