Во техничкиот договор на Грција со кредиторите нема дополнителни мерки за штедење
Тоа што е исклучително позитивно за договорот на техничко ниво, постигнат во саботата меѓу грчката Влада и кредиторите, е дека првпат по многу години прегледот на грчката програма за спас заврши без ниту едно евро дополнителни мерки за штедење.
Ова во радио интервју го изјави портпаролот на грчката Влада Димитрис Ѕанакопулос, кој додаде дека завршениот трет преглед на програмата за фискална консолидација го отвара патот за излегување на Грција од надзорот на кредиторите.
Ѕанакопулос ги критикуваше опозициските конзервативци од Нова демократија дека постојано зборувале за тоа дека Владата сакала да прифати и четврта програма, додавајќи дека „таква програма имало само во главата на нивниот партиски лидер Кирјакос Мицотакис“.
Грчкиот весник „Нафтемборики“ пишува дека по последниот трет преглед на програмата, Владата во Атина сега ги насочила напорите кон итен почеток на консултации за грчкиот долг и за тоа како земјата ќе се движи напред по 20 август 2018 година, кога истекува рокот на сегашната програма.
Ново на Сител
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата