Во Струга подготвен водич за поедноставно доаѓање до документи во општината
Стружани имаат можност да се запознаат со документите потребни за одредено решение што е во надлежност на општината преку водичот „Чекор по чекор низ постапките на општината“ изготвен од Центарот на заедницата на Струга во рамките на активностите за 2015 година.
Катерина Талеска-Скепароска претставник од Центарот на заедницата на Струга појасни дека во водичот се содржани сите постапки што се добиваат во општина Струга, односно сите барања и дозволи што граѓаните ги поднесуваат и добиваат од општината.
- Со водичот им ја олеснивме постапката на граѓаните наместо да тропаат од вата на врата и да ги прашуваат вработените кои документи им се пторебни и колку административна такса треба да платат, како и за начинот на добивање на некое решение. Сите тие чекори ги има во овој водич, информира Талеска-Скепароска.
Обемниот материјал во водичот, нагласи, претставува одлична можност граѓаните да се запознаат детално со потребните документи застапени во повеќе сектори.
- Од поднесување во архива, па се до издавање на решението на граѓанинот детално се објаснети постапките. Дали тоа решение е позитивно или негативно и што граѓанинот треба да направи доколку решението е негативно. Опфатени се сите одделенија што ги има во општина Струга, како што се урбанизам, образование, социјална заштита, спорт, култура и млади. Опфатени се и граѓанските иницијативи што граѓаните може да ги поднесат до општината, информира Талеска-Скепароска.
Водичот е испечатен во тираж од 500 примероци и може да се подигне од канцеларијата на Центарот на заедници во Струга и во архивата на Општина Струга.
Ново на Сител
-
Зеленски до Парламентот поднесе предлог-закон за продолжување на мобилизацијата
-
Обид за убиство на политичар во северно Косово, од партијата велат дека се вмешани Белград и Радоичиќ
-
Единаесетти парламентарни избори, се кандидирале 1002 мажи и 753 жени
-
Утре гласаат 11.123 болни и немоќни лица за претседателските и 11.225 за парламентарните избори
-
Владата утре ќе се задолжи со 39 милиони евра на домашниот пазар
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела