Во Србија се нормализира животот, почнаа со работа градинките, судовите, шалтерите во МВР
Од денеска во Србија почна нов бран на нормализирање на секојдневниот живот, се отворија градинките и продолжениот престој за учениците од основните училиште, шалтерите на Министерството за внатрешни работи и Агенцијата за регистри на деловни активности (АПР), како и судовите.
Како што јави дописникот на МИА од Белград, откако е укината вонредната состојба, веќе работат кафеаните, рестораните, теретаните, салоните за убавина, но и маркети, трговските центри и јавниот превоз.
Денеска, децата низ цела Србија тргнаа во градинки, кои беа затворени на 16 март поради пандемијата на коронавирус. Само во Белград, се очекува 13.500 деца да бидат испратени во градинките. Градскиот секретар за образование и заштита на децата Славко Гак кажа дека е набавена целата заштитна опрема, дека родителите биле известени за мерките што треба да ги почитуваат, дека вработените се подготвени.
Министерството за внатрешни работи соопшти дека од денеска граѓаните на шалтерите на полициските управи и станици ќе можат да го регистрираат своето живеалиште и престојот, да достават барање за издавање лични карти, пасоши, возачки дозволи, регистрација на возила, оружје, државјанство и да ги преземаат документите.
И Агенцијата за деловни регистри (АПР) продолжува да работи со странки на шалтерите во седиштето на АПР, а Виокиот судски совет одлучи од денес со работа да почнат и судовите.
Во Србија е укината вонредната состојба, но не и состојбата на епидемија. Затоа од Кризниот штаб порачуваат дека во секоја ситуација треба да се внимава на држењето на социјална дистанца, често да се мијат и дезинфицираат рацете и да се носат маски на затворени места каде има повеќе луѓе.
Ново на Сител
-
Во Скопје утре ќе се реализира авионска и терестрична дезинсекција против ларви од комарци
-
Трипуновски: Агенцијата за стокови резерви ќе набави 15 илјади тони пченица исклучиво од македонско производство
-
Голем пожар беснее во Измир
-
ЈСП Скопје: Приватните автобуси ќе возат согласно возниот ред, долгот ќе се сервисира според договореното
-
20.000 евра казна за сопственик на два папагали - Им ги пресекол крилата за да се сликаат со туристи на Халкидики
-
Обид за убиство во Струмица - Кривична за четири лица меѓу кои и малолетник
-
Директорка на државен ученички дом во Битола проневерила 202.500 денари
-
Починат работник донесен во Ургентниот центар во тетовската болница