Во Скопје викендот се случиле 30 сообраќајки, повредени 17 лица
Шест лица се здобиле со потешки повреди, а 11 се полесно повредени во 13 од вкупно 30 сообраќајни незгоди што се случиле изминатиот викенд на подрачјето на Град Скопје. Повредени биле еден возач на мопед, еден возач, двајца сопатници на патнички возила и двајца велосипедисти. Во 17 сообраќајни незгоди е причинета материјална штета.
Според податоците на СВР Скопје, од сообраќај се исклучени 232 возачи кои возеле побрзо од дозволеното, 39 кои биле под дејство на алкохол, 62-ца пред да се стекнат со правото на управување моторно возило и пет возачи почетници.
Сообраќајната полиција издала 144 казни за непрописно паркирање, 53 за нерегистрирани возила и една казна за претовар. Со специјалното возило „пајак“ подигнати се 103 возила.
Санкционирани се и двајца пешаци кои поминале коловоз подалеку од пешачки премин, 12 кои поминале крстосница на црвено светло, тројца возачи кои не дале првенство на минување на пешаците на обележан пешачки премин, четири возачи за неправилно престројување и седум за неправилно престигнување.
За време на викендот сакционирани се и 22 возачи кои зборувале на мобилен телефон додека возеле, 13 возачи кои не носеле сигурносен појас и 44 возачи на мопед, мотор и мотоцикл кои не носеле заштитен шлем.
Ново на Сител
-
Мицкоски: Се виде дека промената на Уставот не го решава проблемот со Бугарија
-
Левица: Предложивме Закон за огрaничување на кириите
-
Таравари: Ќе се трудиме да ставиме повеќе лекови на позитивната листа
-
Вработените во ЈСП се жалат дека не земале плата
-
МВР: Не чекајте последен момент за да ја смените возачката
-
Охрид има над 1500 крвoдарители
-
Преглед на вестите од светот
-
Тема на денот со Петар Арсовски, политички аналитичар