Во Скопје осум сообраќајки, пешак тешко повреден
Еден пешак се здобил со тешки телесни повреди, а пет лица со лесни телесни повреди во пет од вкупно осум сообраќајни незгоди што се случиле изминатото деноноќие на подрачјето на Град Скопје. Во три сообраќајни несреќи е причинета материјална штета.
Од сообраќај, според податоците на Министерството за внатрешни работи, полицијата исклучила 40 возачи кои се движеле со поголема брзина од дозволената, 14 пред да се стекнат со право на управување моторно возило и еден почетник.
Казнети се и пет возачи за технички неисправни возила, 13 за нерегистрирани, 113 за непрописно паркирање, а со специјалното возило „пајак“ подигнати се 71 возило.
Полицијата евидентирала и двајца пешаци кои поминале коловоз вон пешачки премин, шест возачи кои поминале крстосница на црвено светло, тројца возачи кои не дале првенство на минување на пешаците на обележан пешачки премин, двајца за неправилно престигнување, 21 за не носење сигурносен појас за време на управување на моторно возило, како и 27 за користење на мобилен телефон за време на управување на моторно возило.
Ново на Сител
-
Ангелов: Се уште активен еден крак на пожарот во ловиштето Јасен
-
Приведен 48-годишник, се заканувал кон поранешната сопруга и нејзината мајка
-
Се заканувал на неговата сопруга, приведени две лица од Зајас, при претрес пронајдени се оружје и муниција
-
Уписи на Скопскиот Универзитет, слободни над 9700 места за бруцоши
-
Андоновски ќе го презентира новиот Национален електронски систем за управување со документи – еДМС
-
Приведени три лица, при претрес на возилата пронајдена е дрога | ФОТО
-
Алкараз го освои Мастерсот во Синсинати, Синер го предаде мечот поради болест
-
Макрон: Украина мора да има силна армија како гаранција за мирот