Во Штип заврши реконструкцијата на улици во центарот и населбата Карорман
Општина Штип заврши со асфалтирање на три улици во Штип и на улици во населбата Стар Караорман. Портпаролот на Општина Штип, Драган Ристов на денешната прес-конференција информира дека реконструирани се улиците „Димо Хаџи Димов“, „Јане Сандански“ и „Борко Талев“. Општина Штип во овие улици инвестираше 70.000 евра.
- За време на викендот заврши асфалтирањето на улиците во Караорман вредни три милиона денари. Станува збор за асфалтирање на 14 улици кои конечно се уредени по неколку децении. Овде активностите траеја малку подолго заради обемноста на градежниот зафат, вели Ристов.
Општина Штип презема активности за асфалтирање на нови улици согласно завршените тендерски постапки. Во текот на наредните денови ќе се почне со асфалтирање улиците „Мара Минанева“ и „11 конгрес“ каде ќе биде ставен втор слој на асфалт, потоа „Иво Лола Рибар“, „Вита Поп-Јорданова“, „Крсте Мисирков“, „Сремски фронт“ кај поранешен „Базалт“, „АСНОМ“, како и улиците во селата Селце и Драгоево.
Општина Штип во изминатите три години асфалтираше над 110 улици во градот и селата. Уредени се и сообраќајниците кои се влез и излез на Штип од Скопје, Кочани и Струмица, а дел од средствата освен од Буџетот на локалната самоуправа беше обезбеден и преку Јавното претпријатие за државни патишта и Агенцијата за финансиска поддршка на руралниот развој.
Ново на Сител
-
Одбраната бара ослободителни пресуди за Кешишев, Манев и Видевски за убиствата на Вања и Панче
-
Бјере: Моментумот за проширување е тука, искористете го
-
Се уште без договори Таравари со Ахмети, Тачи со Меџити
-
Бошњаците бараат кривично да се казнува негацијата на геноцидот во Сребреница
-
Реакција по роденденот на ВМРО-ДПМНЕ
-
Нов дефект во РЕК Битола - ЕСМ се сомнева во саботажа
-
Три лица на скопските клиники, по вчерашната улична пресметка со нож во Чаир
-
Новиот министер за здравство има идеи за сообраќајниот хаос на Клинички, за кратко време и решение