Во Штип се врши масовно тестирање на текстилните работници
Во тек е масовното тестирање на работниците од текстилната конфекција, но и на оние кои се превезувале во истите автобуси од други конфекции до своите работни места. Епидемиолозите од Центарот за јавно здравје – Штип денеска земаат брисеви на околу 35 работници и нивни контакти, а тестирањето ќе продолжи и утре.
Тестирањето се врши на пунктот, но и по домовите кои се опфатени со тестирањето. Резултатите, кои ќе се добијат ќе ги дададат и насоките на надлежните, какви мерки дополнително ќе се преземат.
Градоначалникот на Општина Штип, Благој Бочварски за МИА вели дека до денеска бројот на лица кои се во изолација е 170 граѓани. Тој останува на ставот, а и разговарал со надлежните во Министерството за здравство дека во моментов за Штип нема потреба од дополнителни поригозрни мерки, како што е карантинот. Смета дека граѓаните се свесни за состојбата, а епидемиолозите ќе го затворат ширењето на вирусот од овој кластер.
Директорот на Клиничка болница – Штип, Ален Ѓеорѓијев информира дека на Инфективното одделение се лекуваат вкупно 15 пациенти, кои се со средна клиничка слика и се во стабилна состојба. Капацитетот на Инфективното одделение е за 33 пациенти.
Ново на Сител
-
Француз почина откако се препил вода
-
Повеќето земји во Европа воведуваат или го продолжуваат затворањето
-
Лесна победа на Еурофарм Пелистер над Татран Прешов
-
Пораст на бројот на заразени од коронавирус во регионот, најтешка состојбата во Унгарија
-
Италија ги заостри мерките во пет од дваесет региони
-
Зоран Заев единствен кандидат за нов претседател на СДСМ на внатрепартиските избори на 21 март
-
СДСМ: Заев е кандидат за нов претседател на СДСМ, над 80.000 членови ќе можат да гласаат на првите внатрепартиски избори
-
Побаран притвор за две лица кои фрлаа предмети и камења кон полицајците на протестот за „Монструм“