Во Штип работилница за идните занаетчии
Работилница за идните занаетчии се одржа денеска во Штип во организација на штипската Регионална занаетчиска комора, Универзитетот „Гоце Делчев“ и Средното општинско училиште „Коле Нехтенин“.
Претседателот на Регионална занаетчиска комора - Штип, Венцо Крстев рече дека целта на работилницата е на средношколците и на студентите да им се презентира дека не е тешко и ризично да се започне со сопствен бизнис или занаетчиска работилница.
Според него младите занаетчии не треба да стравуваат за својата иднина, зашто денес за разлика од пред 15 години постојат многу подобри услови за отпочнување на сопствен бизнис, а за што и владините институции даваат и одлична финансиска подршка.
- Во последно време се повеќе и повеќе се јавуваат овие млади луѓе кај нас во Регионалната занаетчиска комора, да отворат свој бизнис, кои завршуваат во занаетчиски училишта, а имаме и многу преквалификации, односно лица кои се преквалификуват за да станат занаетчии. Во моментов имаме регистрирано 200 занаетчии од штипскиот регион, а оваа бројка очекуваме да се зголемува, рече Крстев.
Зоран Трајков, сопственик на фирма за монтажа на сончеви колектори во Штип во рамки на работилницата на средношколците и студентите им ги презентираше бенефициите за отпочнување на сопствен бизнис. Тој истакна дека примарен проблем е што младите немаат доволно информации за бенефициите кои ги стекнуваат како занаетчии, а исто така треба да се надмине и мислењето дека занаетчиството е непрофитабилно.
- Владата на идните занаетчии им дава помош од 3.000 до 5.000 евра да започнат соствен бизнис, им дава помош околу книговодствени услуги, им се дава помош околу користење на простор. Еве во Штип го има просторот во Туртел. Значи постојат многу можности, само тие информации треба да допрат до младите, рече Трајков.
Тој додаде дека сеуште како едни од најпрофитабилните занимања во штипскиот регион се сметаат: водоинсталатерството, монтажерите на парни системи, сончеви колектори, клима уреди, технички услуги и консалтинг, а месечните примања неретко се и над 30.000 денари.
Ново на Сител
-
Пронајдена експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар