Во руските училишта ќе се изучува историјата на автоматот „Калашников“
Руското Министерство за образование издаде методолошки препораки до училиштата низ целата земја да воведат предавања за автоматската пушка „Калашников“, како извор на национална гордост, што би ги инспирирало децата подоцна да стапат во служба на руската армија.
Предавањата ќе вклучуваат „духовно и морално образование“ за употреба на тоа оружје за заштита на татковината, се наведува во соопштението на Министерството.
Иницијативата се совпаѓа со 100-годишнината од раѓањето на создавачот на легендарниот автомат Михаил Калашников на 10 ноември. Автоматската пушка, која тој ја создал во 40-те години од минатиот век, е едно од најчесто користените оружја во светот.
Руското Министерство за образование потенцира дека секоја година речиси 250.000 луѓе низ светот гинат од куршумите на ова оружје, што е повеќе од бројот на жртвите во артилериски напад, бомбардирања и ракетни напади.
Еден од лидерите на руската опозиција, Дмитриј Гудков ја критикуваше иницијативата, додавајќи дека духовноста не може да се меша со убиства.
– Она што Министерството го смета за „наш идентитет и духовност“, е да убиваме колку е можно повеќе луѓе, истакна Гудков.
Ново на Сител
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција
-
Пронајдени куршуми во двор на гостиварско училиште
-
Силувана малолетничка која била пријавена за исчезната
-
Се утврдуваат причините за смртта на родилката од Куманово, новороденчето префрлено на скопските клиники
-
Голем пожар во фабриката за ајфон на компанијата Тата во Индија
-
Израелска армија: Убиен лидерот на Хезболах, Хасан Насралах
-
Британската влада ги повика своите граѓани веднаш да го напуштат Либан