Во Пробиштип наредната година ќе стартува проектот Дом за стари лица
Едното крило на Здравствениот дом во Пробиштип кое со децении не се користи ќе се адаптира во Дом за стари лица, а ќе има капацитет за 54 лица.
Градоначалникот на Општина Пробиштип, Драган Анастасов вели дека овој проект, кој е дел од неговата Програма е влезен во Програмата на Министерството за труд и социјална политика за наредните две години. Според проценките во проектот, комплетната реконструкција и опремување на Домот ќе чинат околу 55 милиони денари.
– Овој простор кој е оставен на забот на времето ќе го ставиме во функција и ќе го преадаптираме. Станува збор за простор од 2.000 метри квадратни, со капацитет за 54 легла, со можност тоа да прерасне во Дом за стари лица по највиски стандарди, вели Анастасов.
Проектот за Домот за стари лица е изготвен со помош на донација, а Анастасов очекува тендерските постапки за преадпатацијата на овој дом да стартуваат наскоро.
– Клучна работа за Општина Пробиштип е тој Дом за стари лица да биде државен, во ингеренции на Министерството за труд и социјална политика за да можат граѓаните на Општина Пробиштип да имаат поевтина партиципација, рече Анастасов.
Забележува дека досегашните анализи, но и барања на граѓаните покажуваат оти голема е потребата од отворање на еден ваков дом во Општина Пробиштип. За разлика од оваа рударска општина, штипското Здружение на пензионери го чека новиот Закон за легализација на дивоградби. Во моментов инвестирани се над 600.000 евра во изградбата на објектот, но поради статусот кој го има не може да продолжи неговата изградба, ниту пак да се бара помош од државата. Неколку години објектот во Штип е во фаза на карабин, а овој дом треба да обезбеди сместување на над 90 лица.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово