Во Прилеп творена изложба на уметникот Андреј Миневски

Вечерва во ликовниот салон во Центарот за култура „Марко Цепенков“ во Прилеп е отворена изложбата на уметникот Андреј Миневски од Скопје.

Уметникот Миневски вели дека инспирација за изложбата е да се долови ателјето на уметникот. Изложбата носи наслов „Секвенци на создавање“.

- Сакам да ја доловам сликата за тоа какво е ателјето на уметникот, кои алати ги кориси. Донесов материјали со кои работам и со кои го истражувам уметничкиот израз. Едноставно, да се види дека се користат многу алати при работата во ателјето, вели Миневски.

За изложбата говорешеуметничката Јулијана Манојловска.

Инаку Андреј Миневски во 2014 година дипломирал на Факултетот за ликовна уметност во Скопје, отсек скулпторство во класата на професорот Исмет Рамиќевиќ и дипломира во 2014 година.

Скулптурите кои ги работи се направени од различни материјали: дрво, пластика, цемент, метал . Сепак, металот е материјал во кој го гледа сопствениот уметнички израз и креативноста.

Досега има учествувано на повеќе изложби и ликовни колонии, меѓу кои на Интернационалните Лесновска и Кичевска ликовна колонија, на изложбата „35 години од формирањето на Факултетот за ликовна уметност“, на групната изложба Young Art во Национална Галерија Мала Станица, во Скопје и на групната изложба Liber Tango во галерија КО-РА во Скопје.

Во 2015 година имал самостојна изложба насловена „T-rex“.