Во пожар на планината Плачковица изгореа 20 хектари дабова шума
Во шумски пожар на планината Плачковица од страната на Радовиш во близина на селото Шипковица изгореа околу 20 хектари дабова шума. Во локалзирањето на пожарот, што синоќа се префлил и во правец на штипското село Вртешка, учествуваа и штипските пожарникари.
Командирот на Територијално Противпожарната единица (ТППЕ) –Штип, Јонче Манојлов вели дека според првичните информации причината за овој шумски пожар е човечки фактор.
- Пожарот попладнево е локализиран и изгаснат. Тоа е над селото Шипковица во радовишкиот дел, каде исто така имаше помош и од шумското стопанство, изјави Манојлов.
Тој смета дека е потребно да се донесат измени во Законот за шумарство со кој на граѓаните им е дозволено да ја користат опожарената дрвна маса за свои потреби, а често ваквите дрвја и се продаваат. Доколку со оваа опожарена дрвна маса стопанисува само ЈП Македонски шуми во тој случај пожарите низ шумите ќе се намалат.
Според евиденцијата на штипските пожарникари, во последните седум дена имале вкупно 13 пожари на отворено, односно интервенирале на гаснење на сува трева, стрништа и ниско стеблеста шума. Се апелира земјоделците и сточарите да не ги палат стрништата и пасиштата, а исто така и на голема внимателност во шумските појаси, бидејќи на овие екстремно високи температури и најмала искра може да предизвика пожар со катастрофални последици.
Ново на Сител
-
Адвокатот кој стана министер за внатрешни работи | Панче Тошковски | Неформално | Sitel Podcast 059
-
Мајка го тепала синот и кршела по дома, таткото пријавил во полиција
-
Пронајдени куршуми во двор на гостиварско училиште
-
Силувана малолетничка која била пријавена за исчезната
-
Се утврдуваат причините за смртта на родилката од Куманово, новороденчето префрлено на скопските клиники
-
Голем пожар во фабриката за ајфон на компанијата Тата во Индија
-
Израелска армија: Убиен лидерот на Хезболах, Хасан Насралах
-
Британската влада ги повика своите граѓани веднаш да го напуштат Либан