Во подметнат пожар уништени докази за терористите од Брисел и Париз
ДНК примероци поврзани со терористичките напади во Париз и Брисел, се уништени при подметнат пожар во Центарот за криминалистика и криминологија во белгискиот главен град, објавија денеска локалните медиуми.
Пожарот во лабораториите се случи 29 август, но досега не беа соопштени детали за предизвиканата на штетата.
Според белгиските медиуми, уништени се шест од вкупно 10 лаборатории во Центарот.
Правниците оценуваат дека уништувањето на доказите ќе го стави Судот пред тешки одлуки. Ако примероците беа делумно оштетени, Судот можеше да побара повторна анализа.
Но, сега судиите треба да проценат дали да ги земат предвид податоците од веќе направените анализи.
Медиумите посочуваат, дека уништените ДНК примероци веќе биле тестирани и дигиталните копии од нив биле внесени во сервер, кој не се наоѓал во запалените простории.
Меѓу материјалите се наоѓале докази за лицата кои се поврзани со нападот во Еврејскиот музеј во Брисел, како и докази за извршителите и соучесниците на нападите во Париз и Брисел во последните две години.
Ново на Сител
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк
-
Претседателот на Владата Мицкоски ќе ја предводи македонската делегација на Самитот на НАТО
-
ЦУК: Сите 18 пожари на отворено се изгаснати и од нив активни утрово нема
-
Санкционирани 134 возачи во Скопје