Во Пехчево се доделуваат картички за зелена нафта
Во присуство на претставници од Министерството за земјоделство денеска во пехчевското село Црник почна распределбата на персонализираните платежни картички за набавка на „евродизел“ за земјоделска механизација.
За оваа мерка, со која државата субвенционира 30 отсто од трошоците за гориво, за земјоделците од беровскиот и пехчевскиот регион, како што информираа од секторот земјоделство во Пехчево, се издвоени два милиона денари.
-Со оваа мерка во пехчевскиот регион се опфатени околу 300 земјоделци. За да не бидат изложени на дополнителни трошоци, решивме картичките на земјоделците да им ги доделиме лично и затоа акцијата ја спроведуваме на терен во село Црник. Денеска тоа го ќе го направиме и во неколку останати населени места во пехчевско, истакнаа од Подрачната единица на МЗШВ.
Според Мустафа Дуровски, претставник на Општина Пехчево, радува фактот што и лица од ромска и турска националност од село Црник кое е село со мешовит состав на населението, ќе добијат картички за зелена нафта.
-За поздравување е податокот дека во нашата општина, имаме Роми и Турци кои се регистрирани земјоделци и воедно корисници на сите поволности кои ги нуди Владата што секогаш е добро за почнување сопствен бизнис, изјави Дуровски.
Лицата кои денеска не беа на местото каде што се делеа картичките, ќе можат да ги подигнат во Подрачната единица во Пехчево.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок