Македонија
3. July 2017 - 11:58

Во општина Чешиново-Облешево започнаа Илинденски спортски игри

Во Општина Чешиново-Облешево синоќа по 45-ти пат започна спортската манифестација „Илинденски спортски игри - Чешиново 2017“ на кој традиционално се застапени турнирите во фудбал и шах. Спортските игри започнаа со фудбалскиот натпревар меѓу екипте на месните заедници од Чифли и Карбинци.

- Самата манифестација  е една од најстарите во регионот и пошироко која трае еден месец, а се одржува на спортските терени во населеното место Чешиново. Низ годините минати на Илинденските спортски игри настапиле  над стотина екипи од регионот и пошироко, кои покажале врвни спортски резултати, спортска игра и дружење, изјави Катерина Постолова од општина Чешиново-Облешево.

Годинава игрите ќе се одржат во период од  2 до 8 јули 2017, а првенствено учествуваат екипи од  Месните заедници од источниот дел на Македонија. Покровител на игрите традиционално е општина Чешиново-Облешево. За учество на годинашните игри се пријавија 14 екипи од општините Чешиновцо-Облешево, Кочани, Штип и Карбинци..

Љубителите на фудбалот секое попладне ќе можат да проследат по два спортски натпревари.Во рамките на игрите ќе се оди и турнир во шах. Илинденските спортски игри за општината Чешиново-Облешево се од особено значење бидејки се чува и негува една стара спортска традиција, но во истовреме се развива и спортскиот дух мегу жителите.