Во Охрид дебата за можните последици на бегалската криза по безбедноста на Македонија
Европската бегалска криза – причините за нејзиното појавување и можните последици по безбедноста на Македонија е темата на која се дискутираше во рамки на панел-дебатата што во организација на „Балканскиот форум за безбедност“ денеска се одржа во Охрид.
Учесниците на дебатата презентираа размислувања и ставови по однос глобалните, регионалните и македонските предизвици, како и за политичко-економските и безбедносните ризици и движења.
Претседателот на „Балканскиот форум за безбедност“, воено-политичкиот аналитичар Благоја Марковски, оцени дека проблемот со бегалците од Блискиот и Средниот Исток се мултиплицира со актуелните проблеми со кои се соочува секоја од државите што се наоѓаат на рутата преку која тие минуваат.
- Бегалската криза е безбедносен, па и здравствен проблем за граѓаните на Македонија. Мора да се води сметка дека со бегалците можат да се поткраднат и непосакувани гости, кои доаѓаат како со разни идеологии и задачи за непријателски активности во земјите низ кои проаѓаат, рече Марковски.
Тој изрази уверување дека врз основа на заклучоците од денешната дебата ќе се придонесе како за безбедносната организација во Македонија, така и за проблемите воочени во рамки на прифатот и транспортот на бегалците да бидат елиминирани.
Поранешниот генерал Илија Николовски го посочи како загрижувачки фактот што покрај со бегалската криза Република Македонија се соочува и со политичка и институционална криза, што ја прави актуелната безбедносна ситуција во земјата мошне кревка.
Тој укажа и на светските и историските искуства кои покажуваат дека во земјите на премин остануваат околу 20 проценти од бегалците. Иако засега тоа не е случај со Македонија, Николовски предупреди на некои пораки од светот преку кои срамежливо се изнесуваат некакви предлози за некаков град за бегалци, некаде во југозападните делови на Бугарија, што секако според него е своевиден безбедносен ризик.
Ново на Сител
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва