Во кумановската касарна одбележан Денот на Првиот механизиран пешадиски баталјон

Во касарната „Боро Менков“  Куманово, со воена свеченост денеска припадниците од Првиот механизиран пешадиски баталјон  го одбележаа 26- ти февруари, Денот на единицата.

 

Во рамки на свеченоста, единиците продефилираа пред присутните, по што следеше презентација  на дел од  вооружувањето, опремата и возилата со кои располага единицата.

 

Пред присутните се обрати командантот на Првата механизирана пешадиска бригада,бригадниот генерал Зоран Милески, кој нагласи дека денешниот Прв механизиран пешадиски баталјон е мобилен и ефикасен,подоготвен да одговори на потребите и предизивиците кои ги бара  денешното време.

 

- Ќе одиме  во нови достигнувања, следејќи ги интересите на државата и стандардите не НАТО, рече командантот Милески и потсети дека изминатата година единицата учествувала во мировната  операција „Одлучна поддршка“ во Авганистан.

 

Тој потенцира дека е голем придонесот на оваа единица во справувањето со најголемиот предизивик што во моментов го има нашата држава, а тоа е справување со бегалската криза.  

 

Потполковник Лулзим Нуредини, командант на гарнизонот во обраќањето се осврна на формирањето на Трета МУБ,на успесите кои ги постигнала бригадата во НОВ  и нејзниното активно учество во завршните операции за ослободување на Македонија.

 

- Да се продолжи со негување на традициите на една ваква славна единица за нас преставува особена чест и обврска да го чуваме она што го создадоа борците на Трета МУБ, рече потполковник Нуредини.

 

Пред присутните генерали,команданти,меѓу нив и командантот на ЗОК,генерал мајор Васко Ѓурчиновски,преставници на локалните самоуправи, Здружението на борците,беа прочитани и телеграми со честитики од ГШ на АРМ по повод Денот на единицата, а беа доделени и награди, пофалници на припадници на единицата како и на соработници од јавниот и приватниот сектор.

 

Со одлука на претседателот на Република Македонија и Врховен командант на вооружените сили Ѓорѓе Иванов, 26. февруари е одреден за Ден на првиот механизиран пешадиски баталјон, како датум со кој се одбележува значаен историски настан, поврзан со денот на формирањето на Трета Македонска ударна бригада, а врз кој  заедно со други важни датуми од историјата, се темелат традициите на АРМ.