-->
-->
Во Крива Паланка промовиран „Славишки зборник 3“
-->
Градски музеј Крива Паланка денеска го промовираше третото издание на „Славишки зборник“, стручен журнал за историја, археологија, етнологија, историја на уметност, хералдика и сродни дисциплини.
- Искусните и долгогодишни истражувачи од разни генерации, како и младите проучувачи поместиле во збирката бројни авторски трудови во кои се презентирани нивниет истражувачки потфати, теоретски анализи, стручни експозеа и научни медитации. Резултатите од ова издание, пред се од областа на археологијата, отвораат нови ракурси и презентираат нова оптика во истражувањето на археолошките локалитети ситуирани во општината и пошироко, рече на промоцијата проф.д-р. Елизабета Димитрова од Институт за историја на уметност и археологија при УКИМ.
Димитрова потенцира дека е исклучително значаен трудот посветен на архeолошкиот локалитет Градиште во кривопаланечкото село Градец, првиот самостоен истражувачки проект менаџиран од Градскиот музеј.
- Во зборникот речиси сите трудови се важни референци. Мислам дека сите треба да земат пример од менаџирањето на оваа локална институција, и тоа , не само локалните, туку и националните, според сето она што можев да го видам од работењето на музејот, посочи Димитрова.
Директорот на Градски музеј Драган Величковски рече дека е презадоволен од сите учесници во „Славишки зборник 3“ кој содржи бројни моменти од историјата, културата, етнологијата и науката од овој крај застапени во 25 текстови.
- Зборникот е плод на научно-истражувачката работа во Градски музеј Крива Паланка, дел од Годишната програма, финансирана со средства од Министерство за култура, а дел од научните трудови од авторите се отстапени волонтерски на музејот, изјави Величковски.
Уредникот на „Славишки зборник 3“ Александар Маџовски, истакна дека со објавата на вакви дела се промовира културно-историското наследство и богатство на овој крај, се презентира пред научната и пошироката јавност, а со тоа сe исполнува и образовната дејност на установата.
-->
-->
-->
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп