Македонија
13. September 2020 - 14:18

Во Крива Паланка денеска два нови случаја со Ковид-19

Во изминатото деноноќие во Крива Паланка се регистрирани нови два случаја на заразени со Ковид-19, додека и во текот на вчерашниот ден Институтот за јавно здравје бележи еден заболен.

За само четири дена бројот на новозаболени лица во оваа општина изнесува дваесет лица, а вкупната бројка на активни со вирусот е 38.

Лицата кои се регистрирани изминатите неколку дена се од неколку новоформирани кластери, во угостителски објекти во градот, конфекција и еден трговски објект, поради што од Општинскиот кризен штаб посочија дека граѓаните мора да бидат крајно дисциплинирани во почитувањето на сите мерки за заштита од Ковид -19, со цел спречување на понатамошно ширење на вирусот.

Од Подрачната единица на хигиено-епидемиолошката служба на Центарот за јавно здравје Крива Паланка информираат дека од почетокот на пандемијата досега во општините Крива Паланка и Ранковце од Ковид-19 се заразиле вкупно 73 лица.

Според статистиката на Институтот за јавно здравје денеска и во Општина Крива Паланка е регистрирано едно лице излекувано од Ковид-19.