Во конфликтот во Украина загинаа или се повредени речиси 180.000 руски војници, тврди норвершки генерал
Началникот на Генералштабот на норвешките вооружени сили генерал Еирик Кристоферсен изјави дека за речиси една година конфликт во Украина, убиени и повредени се речиси 180.000 руски војници, додека загубите на украинска страна изнесуваат 100.000 луѓе.
Тој не прецизира од каде се податоците за бројот на жртвите.
– Украинските загуби се веројатно повеќе од 100.000 загинати и повредени. Покрај тоа, Украина има околу 30.000 загинати цивили во таа страшна војна, наведе Кристоферсен.
Тој додаде дека и покрај големите загуби, Русија е способна да ја продолжи војната бидејќи Москва има капацитети за мобилизација и производство на оружје.
– Најзагрижувачка работа е дали Украина ќе може да ги задржи руските воздухопловни сили надвор од војната, бидејќи досега сите ги држеше настрана благодарение на нејзината противвоздушна одбрана, наведе Кристоферсен.
Во руските напади во изминатите месеци најмногу се користеа проектили со голем дострел.
Во исто време, норвешкиот генерал повика што поскоро да се испратат борбени тенкови во Украина.
И покрај итните повици од Украина и голем број европски земји, Берлин во петокот одби да испрати свои тенкови Леопард во Киев. Некои други европски земји имаат такви тенкови, вклучувајќи ја и Норвешка, но нивната испорака во Украина генерално бара германско одобрение.
Ново на Сител
-
Преглед на вестите од светот
-
Јаневска: Можно е враќање на старата концепција за основно образование
-
Приватните превозници ќе ги паркираат автобусите
-
Судскиот совет смета дека распуштањето не е добар чекор
-
Мизрахи: Укинувањето на економските директори го укина дуализмот во здравството
-
Чибишев: 18 луѓе незаконски работеле работеле на Токсикологија
-
Повторно отворена подрачната канцеларија на МЗШВ во струмичко
-
Пациентите со механичка поддршка на срцето бараат поголем ангажман од државата