Бизнис
22. February 2016 - 12:05

Во Кочанско Поле ќе се наводнуваат 2089 ха, под ориз 1740 ха

Водстопанското претпријатие Кочани го донесе планот за наводнување за престојната сезона која се очекува да започне на 15 април со пуштањето на водите од водотеците и реките на Хидросистемот Брегалница.
 
- Во годишниот план за општина Кочани е планирано наводнување на 2089 ха под разновидни пролетни култури од кои оризот ќе доминира и ќе зафаќа површина од 1740 ха. Според планиот најголеми се површините под ориз во Оризарско и Кочанско поле по 400 ха, во Грдовски 245 ха, додека во Прибачевско и Подлошко по стотина хектари, информира Николчо Гоцев, директор на Водстопанство Брегалница од Кочани.
 
Тој информира дека во општина Зрновци ќе бидат наводнувани  259 ха од кои 139 ха во атарот на Зрновско, а 120 ха во атарот на село Теранци.
 
Што се однесува до чистењето на каналската мрежа и на речните корита таа се одвива според планот. На терен се наоѓаат три машини кои по однапред направениот распоред ги чистат каналите за да не дојде до излевање на водата наменета за наводнување.
 
Во однос на акомулираните количини вода во Калимнанци и Градче тие се во добра кондиција и со расположив капацитет да ги примат водите од реките и водостеците до почетокот на наводнителаната сезона.