Во Кичево започна изградбата на два нови кружни тека
Во тек е изградбата на два нови кружни тека на улицата „Маршал Тито“, пред џамијата „Бела кула“ во Кичево, на крстосницата на патот кон касaрната “Чеде Филипоски – Даме” и населбата Пашино како и еден пред самиот влез во касарната.
– За да ја подобриме безбедноста во сообраќајот, како и да обезбедиме што побрз проток на возилата, пристапивме кон изградба и на овие два кружни тека на улицата „Маршал Тито“ пред новата џамија во населбата „Бела кула“ и пред влезот во касарната, но исто така ќе се реновира и подземната инфраструктура на оваа улица со тротоари и осветлување. Оперативата на една локална градежна компанија со целиот свој капацитет деновиве забрзано започна да работи и е посветена на што побрзо завршување на овие кружени тека. Искуствата од претходно изградените кружни текови на магистралниот пат Скопје-Охрид делот кој минува низ Кичево и на булеварот „Ослободување“ потврдуваат дека регулација на сообраќајот на овој начин е најбезбедна за сите учесници во сообраќајот, како и за пешаците, ова е многу битно бидеќи оваа улица е продолжување на Старата чашија и е многу фрекфентна особено во летните месеци, рече Арбен Рустеми од општина Кичево.
Додаде дека оваа инфраструктурна инвестиција се финансира со средства од општинскиот буџет.
Ново на Сител
-
Црн чад над Сикстинската капела во Ватикан
-
ПМФЛ: Шкендија со триумф над Работнички ја обезбеди шампионската титула
-
Започна конклавата за избор на нов папа
-
Пронајден починат маж во Бутел
-
Николски за заемот од 6 милијарди евра: Делот за тоа колку ќе се задолжиме е погрешно пренесен
-
Учество на министерот Муцунски на неформалниот состанок во GYMNICH формат
-
Во првиот квартал извоз во вредност од 1 928.6 милиони евра
-
ЕУ ги повика Индија и Пакистан да покажат воздржаност