Во Израел повеќе од 500 навивачи го опколија хотелот во кој се наоѓа аргентинската репрезентација

Во пресрет на вечерашниот фудбалски пријателски натпревар меѓу Аргентина и Уругвај, повеќе од 500 навивачи буквално го опколија хотелот во Тел Авив кој се сместени „гаучосите“.

Израелските медиуми доаѓањето на Лионел Меси во земјата го најавија како пристигнување на фудбалскиот бог во земјата на Ветениот.

Полицијата и редарите успеаја да го задржат притисокот на толпата која се обидуваше да влезе во хотелот за одблиску да ги виде фудбалските ѕвезди. Двете екипи ги чуваат стотици полицајци и безбедносни лица. На самиот натпревар за редот ќе се грижат 200 полицајци, вклучувајќи две единици на специјалните сили и над 450 редари.

Натпреварот се игра во Тел Авив вечер со почеток во 20.15 часот.