Во Италија годинава пристигнале 168.300 мигранти

Наспроти влошувањето на временските услови на Медитеранот, приливот на мигранти и бегалци во Италија не покажува знаци на намалување, а властите во Рим прават напори да се справат со големиот мигрантски прилив. 

Повеќе од 168.300 лица стигнале преку морски пат во Италија до 20 ноември, со што веќе се надминува вкупната цифра од 154.000 регистрирани мигранти во 2015 година, покажуваат податоците на Агенцијата за бегалци при ОН. 

Поголемиот број од нив се сместени во прифатни центри во јужна Италија, но стотици мигранти веќе пристигнале и во Рим. 

Властите во Рим воспоставија мрежа на прифатни центри, но таа не доволна за да се сместат сите мигранти кои пристигнале во градот.